Գլենդելի ոստիկանապետը հայտարարել է իր պաշտոնաթողության մասին

2017 թ. Դեկտեմբերի 14-ին, ոստիկանության պետ Ռոբերտ Կաստրոն իր 32 տարվա կարիերայից հետո հայտարարեց իր պաշտոնաթողության մասին: Ոստիկանաետ Կաստրոն ծառայել է Գլենդելի քաղաքապետարանին վերջին 4 տարիների ընթացքում: Այս տարիների ընթացքում Կաստրոն Գլենդելի համայնքի համար կատարել է մի շարք բարելավումներ և փոփոխություններ: Նա իր ղեկավարությունը կենտրոնացրել է նոր սարքավորումների տեխնոլոգիաների ներդրման, նորարարական հոգեբանական առողջության և բժշկական ծրագրերի նախաձեռնելու և համայնք-ոստիկանություն համագործակցության ամրապնդման վրա:

«Ես չափազանց հպարտ եմ բոլոր նրանցով, ովքեր ջանքեր են գործադրել և աջակցել ինձ, որպեսզի հասնենք մեր նպատակին և ստեղծենք լավագույն օրինապահ կազմակերպություն, ինչպիսին է Գլենդելի ոստիկանությունը : Համոզված եմ, որ մեր կառուցած հիմքը ապագայում կապահովի ավելի մեծ հաջողություններ: Շնորհակալություն եմ հայտնում, որ ինձ թույլ տվեցիք այս մեծ արտոնությունը՝ ծառայելու որպես ոստիկանապետ », - ասաց Ռոբերտ Կաստրոն:

Ոստիկանապետ Կաստրոյի պաշտոնաթողությունը ուժի մեջ է մտնում 2017 թվականի դեկտեմբերի 29-ին: Բարելավված ղեկավարության անցումը ապահովելու նպատակով, ներկայիս փոխոստիկանապետ Կարլ Պովիլաիտիսը նշանակվելու է որպես ժամանակավոր ոստիկանապետ՝ սկսած 2017 թվականի դեկտեմբերի 30-ից:

Պովիլաիտիսը սկսել է իր կարիերան Գլենդելում 1990 թվականին: Իր կարիերայի ընթացքում աշխատել է մի շարք հանձնարարությունների վրա: Քրեական հետախուզության բյուրոյում նա աշխատել է որպես հանցագործության, ավտոմեքենաների գողության և հրդեհների բաժնի քննիչ: Որպես ոստիկանության սերժանտ, նա ծառայել է որպես պարեկային և ոստիկանության վարչության օդային պաշտպանության ստորաբաժանման ղեկավար: Որպես լեյտենանտ, նա ծառայել է որպես երթևեկության բյուրոյի հրամանատար: Հետագայում նա դարձել է Հատուկ գործողությունների բաժնի հրամանատար և սկսել է ԴՆԹ լաբորատորիայի և տեղեկատվության ղեկավարության կատարման և հաշվետվողականության տվյալների նախագծի մշակման գործընթացը: Կարլը պաշտոնապես նշանակվել է Կապիտան 2010-ին: Նա նշանակվել է փոխոստիկանապետի պաշտոնում 2013 թ. Սեպտեմբերին: Քաղաքի ժամանակավոր մենեջեր Յասմին Բիրսը հայտարարել է. «Որպես 27 տարվա վետերան, ես գիտեմ, որ Կարլը պատվով կծառայի Գլենդելի ոստիկանության բաժանմունքին և նրա անդամներին ՝Գլենդելի բնակիչներին մատուցելով հնարավոր լավագույն ծառայությունը »: